Säit 1885 gouf et zu Esch-Sauer e klengen Handwierksbetrib, deen op traditionell Aart a Weis Käerzen hirgestallt huet. Bis zum Doud vum Christophe Goedert am Joer 1990 war et e renge Familljenbetrib. Duerno war d’Schicksal vun der Käerzefabrik zwee Joer laang ongewëss.

1992 dunn huet d’Käerzefabrik am Besëtz vum John Peters déi al Traditioun vun der manueller Käerzenhierstellung zu Esch-Sauer erëm nei opliewe gelooss. Vu Beruff aus Dréier a Schlesser huet hien eng Ausbildung an Däitschland gemaach fir d’Grondbegrëffer vun der Käerzenhierstellung,

méi genau de Beruff "Wachszieher", ze léieren.

​

Lues a lues ass d’Käerzefabrik gewues: Um Ufank gouf nëmme fir de Kiercheberäich geschafft. No a no koum och am Beräich Dekorkäerzen d'Nofro op. Ee Joer méi spéit dunn ass dofir an der Fabrick e Geschäft ageriicht ginn. D’Produktioun gouf ëmgestallt. Et ass sech spezialiséiert ginn op Käerzen op Commande fir verschidde Fester an Uläss: Hochzäiten, Kanddeef, Kommuniounen, Gebuertsdeeg, asw.

Schonns 1998 gouf de Betrib ze kleng an huet misse plënneren; en ass awer nach ëmmer zu Esch-Sauer bliwwen. Hei ass dunn och ee méi groussen a modern ageriichte Buttek entstanen, wou net nëmme Käerzen, mee och aner Dekorartikele verkaaft goufen.

2008 huet de John Peters dunn zu Heischent e grousst Gebai gebaut, well zu Esch-Sauer gouf et rëm ze kleng. Ee Joer méi spéit war et sou wäit:
Mir sinn op Heischent geplënnert, an e Buttek vun 300m² mat iwwert 13 000 Artikelen (Kierchekäerzen, Dekorkäerzen, Figuren, Luuchten, asw.) Säit méi wéi 20 Joer also gëtt d’Traditioun vun der manueller Käerzenhierstellung a Familljenhand vum John Peters a senge Kanner mat vill Engagement a Begeeschterung virugefouert. Mir freeën eis op Äre Besuch.

Am Oktober 2016 huet dunn de Jan Peters, d´Nofolleg vum John iwwerholl.