Iwwer eis

1885

Säit 1885 gouf et zu Esch-Sauer e klengen Handwierksbetrieb, deen op traditionell Art a Weis Käerzen hirgestallt huet. Bis zum Doud vum Christophe Goedert am Joer 1990 war et e rengen Familljenbetrieb. Duerno war d’Schicksal vun der Käerzefabrik zwee Joer laang ongewëss.

1992

1992 dunn huet d’Käerzefabrik am Besëtz vum John Peters déi al Traditioun vun der manueller Käerzenhirstellung zu Esch-Sauer erëm nei opliewen gelooss. Vu Beruf aus Dréier a Schlesser huet hien eng Ausbildung an Däitschland gemaach fir d’Grondbegrëffer vun der Käerzenhierstellung,

méi genau de Beruf "Wachszieher", ze léieren.

Lues a lues ass d’Käerzefabrik gewues: Um Ufank gouf nëmmen fir de Kiercheberäich geschafft. No a no koum och am Beräich Dekorkäerzen d'Nofro op. Ee Joer méi spéit dunn ass dofir an der Fabrik e Geschäft ageriicht ginn. D’Produktioun gouf ëmgestallt. Et ass sech spezialiséiert ginn op Käerzen op Commande fir verschidde Fester an Uläss: Hochzäiten, Kanddeef, Kommuniounen, Gebuertsdeeg, asw.

1998

Schons 1998 gouf de Betrieb ze kleng an huet misse plënneren; en ass awer nach ëmmer zu Esch-Sauer bliwwen. Hei ass dunn och ee méi groussen a modern ageriichte Buttek entstane, wou net nëmme Käerzen, mee och aner Dekorartikelen verkaaft goufen.

2008

2008 huet den John Peters dunn zu Heischent e grousst Gebai gebaut, well zu Esch-Sauer gouf et rëm ze kleng. Ee Joer méi spéit war et sou wäit:
Mir sinn op Heischent geplënnert, an e Buttek vun 300m² mat iwwert 13 000 Artikelen (Kierchekäerzen, Dekorkäerzen, Figuren, Luuchten, asw.) Säit méi wéi 20 Joer also gëtt d’Traditioun vun der manueller Käerzenhierstellung a Familljenhand vum John Peters a sengen Kanner mat vill Engagement a Begeeschterung virugefouert. Mir freeën eis op Äre Besuch.

2016

Am Oktober 2016 huet dunn de Jan Peters, d´Nofolleg vum John iwwerholl.

Käerzefabrik Peters, Heiderscheid, Tel. 89 91 97

  • Facebook
  • Instagram

©2020 by Kärzefabrik.